പാണീതലത്താൽ മറച്ചീടവേ ക്ഷണം പാരിടം കണ്ണിൽ മറഞ്ഞീടവേ പാലൊളിച്ചന്ദ്രനുദിച്ചു ചുണ്ടിൽ വൃഥാ പാടേ നിറഞ്ഞൊരു നാണവുമായ് കാല്പാദംകൊണ്ടു വരവരച്ചു ചേലിൽ കണ്മണി തുള്ളിക്കളിച്ചു കണ്ണിൽ ആടതൻ തുമ്പിൽ പിടിച്ചുലച്ചും ചില- യാഹ്ലാദം ചുണ്ടിൽ പൊടിപൊടിച്ചും മംഗളരാത്രിയിലൊത്തുചേരാൻ വരും മങ്കയെ ശയ്യയിൽ കാത്തിരിയ്ക്കേ ലെഗ്ഗിൻസും ടോപ്പും ധരിച്ചവളെത്തുന്നു ലജ്ജിച്ചു നവവരൻ കണ്ണടച്ചു കാലത്തിനൊത്തൊരാ കോലമപ്പോൾ കാലിന്മേൽ കാലേറ്റിയിരുന്നു ചാരെ ആംഗ്ലേയഭാഷയിൽ ചൊന്നുറക്കെ മങ്ക ആർത്തുചിരിക്കുന്നു നെഞ്ചുലച്ച്. ------------------------------ താന്നിപ്പാടം ശശി -------------------------------------