വാര്‍ദ്ധക്യം.

ഒരു ചാണ്‍ നീളം കണ്ട് ഒടിച്ചെടുത്ത കോലു കൊണ്ട് 

ടയര്‍ വണ്ടി വേഗത്തില്‍ ഉരുട്ടി കുളക്കരയില്‍ എത്തും. അവസാനത്തെ ഉരുട്ട് ആവുന്നത്ര ഊക്കോടെ ആവും.

     വണ്ടി ഉരുണ്ട് കുളത്തിലെ വെള്ളത്തില്‍ എത്തി പതുക്കെ മറയുന്നതു കാണുന്നതിലായിരുന്നു രസം.

'അച്ഛനെന്താ ഇവിടെ '     മകന്റെ ശബ്ദം കേട്ട് അയാള്‍ ഒന്നു ഞെട്ടി.

'ഇന്നത്തെ പിണക്കം അമ്മയോടോ അതോ മരുമോളോടോമരുമോളോടോ '       മകന്റെ സംശയത്തോടെയുള്ള നോട്ടം അയാള്‍ കണ്ടില്ല.

     സഥലകാല ബോധത്തിലേക്ക് അയാള്‍ പിന്നെ തിരിച്ചെത്തുമ്പോള്‍ വ്യക്തമായി കേട്ടതു മറ്റൊന്നായിരുന്നു.

'എന്താ അച്ഛനു വേണ്ടത് '     ഊന്നു വടി എടുത്തു കൊടുത്തു കൊണ്ട് മകന്‍ തിരക്കി.

'ഒരു വണ്ടി'

'ങേ ! വണ്ടിയോ.  മകന്‍ അത്ഭുതപ്പെട്ടു.

     അയാള്‍ ആവശ്യം ആവര്‍ത്തിച്ചു പറഞ്ഞില്ല.അതിന് എവിടെയാണ് കുളം എന്നാണ് ചിന്തിച്ചത്.ഉണ്ടായിരുന്നത് നികത്തിയാണല്ലോ മോള് വീടുവച്ചത്.അയാള്‍ നിഷ്‌ക്കളങ്കമായി പുഞ്ചിരിച്ചു.

------             -------        -------        ---------